போனவாரம் "அகழ்" தளத்தில் மூன்று முக்கியமான மொழிபெயர்ப்புகளை வெளியிட்டோம். மொழிபெயர்த்து வழங்கிய நண்பர்கள் பாரி, ஜனா மற்றும் மணவாளன் மூவருக்கும் வாழ்த்துக்கள்.
0
பாஷவிஸ் சிங்கரின் "அறிவுரை" சிறுகதையை பாரி மொழிபெயர்த்திருக்கிறார். சிங்கரின் "காப்காவின் நண்பன்" போன்ற கதைகள் ஒரு வகை என்றால் "முட்டாள் கிம்பிள்" போன்ற கதைகள் இன்னொரு வகை. "அறிவுரை" கதையை இரண்டாவது வகையில் சேர்க்கலாம். நன்மை ஓர் எளிய உண்மை என்பதை அபாரமான உணர்வெழுச்சியுடன் வெளிப்படுத்துபவை சிங்கர் கதைகள். ஒரு நாடோடி நீதிக் கதையை நவீன கதையாக மாற்றும் தேர்ச்சி சிங்கருக்கே உரியது. அல்லது நவீன அழகியலை மறுத்தே நாடோடிக் கதையை சொல்கிறாரா என்றும் யோசிக்கலாம். "சந்தைத் தெருவில் ஸ்பினோசா", "வேன்வில்ட் காவா" ஆகியவற்றை தொடர்ந்து பாரி மொழிபெயர்த்து அகழில் வெளியாகியிருக்கும் சிங்கரின் மூன்றாவது கதை இது.
0
